Еден од најочекуваните боксерски дуели во последната деценија е сè поблиску до реализација. Тајсон Фјури и Ентони Џошуа најверојатно ќе ги вкрстат ракавиците на 20 ноември во Медисон Сквер Гарден во Њујорк, во меч кој со години го посакуваат љубителите на боксот.

Иако Вембли долго време се споменуваше како главна опција, се чини дека Њујорк сепак ќе биде домаќин на британскиот боксерски спектакл. Главен фактор за изборот е телевизискиот пренос преку Нетфликс, кој ќе го пласира мечот во американскиот прајм-тајм. Тоа значи дека британските фанови ќе мора да останат будни до доцните часови доколку сакаат директно да го следат мечот.

Фјури и Џошуа во пресрет на дуелот немаат шампионски појас во тешка категорија. Двајцата во своите кариери по двапати беа поразени од Александар Усик, кој и натаму е човекот кој го држи врвот во дивизијата. Изборот на „Медисон Сквер Гарден“ дополнително покажува колку голема улога има комерцијалниот момент во организацијата на овој меч. Сепак, доколку конечно се реализира, Фјури – Џошуа несомнено ќе биде еден од најголемите боксерски спектакли во годината.