Шокантните вести околу сериозноста на повредата на Вилијам Салиба ги принудија челниците на Арсенал веднаш да реагираат на пазарот. Бидејќи францускиот дефанзивец би можел да паузира дури пет месеци, Микел Артета пронајде идеална замена во искусниот англиски репрезентативец Џон Стоунс, кој во моментов е без клуб.

Стоунс ги заврши десетте трофејни години во Манчестер Сити на крајот од јуни, а Артета одлично ги познава неговите квалитети уште од периодот кога работеше како помошник на Пеп Гвардиола. Англискиот стопер неодамна го освои бронзениот медал со репрезентацијата на Светското првенство, со што потврди дека сè уште игра на врвно ниво, па неговата адаптација во таборот на „топчиите“ би била речиси моментална.

Иако Арсенал во дефанзивата ги има Габриел, Кристијан Москера, Пјер Инкапие и Рикардо Калафјори, последните двајца често покриваат на позицијата лев бек. Затоа, шпанскиот менаџер инсистира на поголема длабочина и искуство во централниот дел од одбраната за да ги одржи високите амбиции во претстојната сезона. Доколку се потврдат црните прогнози за долгата пауза на Салиба, Арсенал брзо ќе ја активира операцијата за доведување на Стоунс на „Емирати“.