Една од најголемите фудбалски приказни во историјата на Босна и Херцеговина наскоро ќе добие свој крај. Един Џеко потврди дека по речиси две децении во националниот дрес ќе стави точка на репрезентативната кариера. Капитенот ќе го одигра последниот натпревар за Босна на 2 октомври против Шведска.

Четириесетгодишниот напаѓач е рекордер на својата земја со 151 настап и 73 постигнати голови. За Босна дебитираше во 2007 година, а со репрезентацијата настапи на две светски првенства – во 2014 и 2026 година.

„Ништо во мојата кариера не може да се спореди со гордоста да го носам националниот дрес. Играв до 40 години затоа што дадов сè од себе. Сега е време да се повлечам“, порача Џеко.

Со своите голови и настапи, напаѓачот остави огромна трага во босанскиот фудбал и стана еден од симболите на репрезентацијата.