Младиот центар Џејлен Дурен се соочува со сериозен проблем во преговорите со Детроит Пистонс. Иако зад себе има одлична сезона во која стана Ол-стар и беше дел од третата најдобра петорка во НБА, слабите партии во плејофот ги натераа челниците на клубот да бидат претпазливи. Додека кошаркарот бара над 40 милиони долари по сезона, Детроит му нуди сума меѓу 32 и 35 милиони, сметајќи дека тој сè уште не докажал дека може да биде лидер во клучните моменти.

Неговиот маневарски простор дополнително се намали откако пропаднаа опциите за трансфер во Сакраменто и ЛА Лејкерс, а Детроит јасно порача дека не планира да го трејдува. Легендарниот Трејси Мекгрејди исто така застана на страната на клубот, истакнувајќи дека Дурен не заслужува супермакс по падот на неговата статистика во разигрувањето за титула.

Дурен сега има две опции, да ја прифати долгогодишната понуда на Пистонс или да потпише квалификациска понуда од 9,6 милиони за следната сезона и да стане слободен агент следното лето. Втората опција носи голем ризик од повреди и губење милиони, па најверојатен исход е негово останување во Детроит, но под условите на клубот.