Инвестицискиот конзорциум „1892 Холдингс“, зад кој стои и фондот на основачот на „Амазон“, Џеф Безос, постигна договор за купување на малцински удел од над 30 проценти во Ливерпул. Оваа зделка го проценува англискиот гигант на повеќе од седум милијарди долари, што е неверојатен финансиски скок за клубот кој сегашните сопственици од „Фенвеј Спортс Груп“ (ФСГ) го купија во 2010 година за скромни 300 милиони фунти. Сепак, за навивачите е најважно што ФСГ и понатаму останува мнозински сопственик и ја задржува комплетната оперативна контрола врз управувањето со гигантот од Мерсисајд.

Покрај Безос, во конзорциумот предводен од Амит Батија учествуваат уште неколку звучни бизнис-имиња, меѓу кои е и коосновачот на „Фејсбук“, Едуард Саверин. Иако самиот Безос нема лично да влезе во управниот одбор, оваа инвестиција дополнително ја потврдува моќта на Ливерпул, кој по серијата трофеи и големи успеси во сезоната 2024/25 пријави приходи од над 700 милиони фунти. Според упатените извори, влезот на новите милијардери нема драстично да ја промени трансфер политика на клубот, туку ќе служи како дополнителна гаранција за долгорочна финансиска стабилност.