Македонската женска ракометна репрезентација загуби од Германија на домашен терен во 5. коло од квалификациите за Европското првенство. На крајот, во салата „Борис Трајковски“, Германките се радуваа на победа од 35-27.
Нашите ракометарки започнаа храбро и во првите минути држеа чекор со противникот, но како што одминуваше натпреварот, Германките постепено ја зголемуваа предноста. И покрај напорите на нашите девојки да ја намалат разликата, Германките успеаја да ја задржат контролата и да стигнат до конечна победа.
Македонија покажа борбен дух, но вечерва Германија беше поефикасна на теренот.
Следен натпревар на репрезентацијата е против Словенија, во Велење, на 12 април со почеток во 18:00 часот.
