Уредникот на фудбалската редакција на „Дејли мејл“, Оливер Холт, излезе со шокантни информации тврдејќи дека ја знае точно каква казна се подготвува за Манчестер Сити. Според сознанијата на британскиот весник, „граѓаните“ ги чека одземање на толку голем број бодови во тековната сезона што нивното испаѓање од Премиер лигата е практично загарантирано.

Покрај историското испаѓање од елитата, на Сити му се подготвува и дополнително одземање бодови за следната сезона во Англиската фудбалска лига, бидејќи се очекува пониските рангови да ја прифатат и спроведат оваа санкција во својот систем. Сепак, нема да се донесе одлука за исфрлање во Лига 2, но покрај бодовното салдо, клубот ќе се соочи и со астрономска парична глоба.

Оваа жестока казна се најавува откако Независната комисија го прогласи Манчестер Сити за виновен по дури 114 од вкупно 115 точки од обвинението за кршење на финансиските правила на Премиер лигата. Шампионот веќе поднесе жалба, а конечната одлука по жалбената постапка се очекува кон средината на јануари 2027 година, со надеж дека целиот процес ќе биде затворен пред крајот на оваа натпреварувачка сезона.

Во меѓувреме, во останатите клубови од Премиер лигата веќе владее сериозно незадоволство и хаос. Ривалите отворено негодуваат бидејќи, поради долгиот процес за казна и одложувањето на коначниот епилог, никој во моментов не знае каде точно се наоѓа на табелата и за што игра пред мајската завршница.