Селекторот на шпанската фудбалска репрезентација, Луис де ла Фуенте, изјави дека високиот пораз на Хрватска од Англија со 0-7 не ја одразува реалната разлика во квалитетот и дека тој резултат само ќе ја зголеми мотивацијата кај домашниот состав пред претстојната пресметка во Лигата на нации. Шпанците влегуваат во дуелот со максимални девет бода по триумфот над Чешка, но Луис де ла Фуенте бара максимален респект кон ривалот.

Според шпанскиот стратег, она што ѝ се случи на Хрватска е обичен „фудбалски инцидент“ каков што ретко се случува во кариерата на врвни тимови, споредувајќи го со историските порази како оној на Бразил од Германија (1-7) или на Германија и Аргентина од Шпанија (1-6). Тој подвлече дека Хрватска со своите успеси во последните десет години останува фудбалска сила и дека ваквите удари кај професионалците предизвикуваат силна реакција за докажување пред сопствената публика.

Во однос на подготвеноста на младата ѕвезда Ламин Јамал, шпанскиот кормилар потврди дека напаѓачот се наоѓа во одлична форма и секогаш сака да биде на теренот, но дека стручниот штаб внимателно го анализира неговиот замор пред да донесе конечна одлука за стартниот состав. Внимателност најави и репрезентативецот Дани Олмо, кој добро ги познава хрватските прилики од периодот минат во Динамо Загреб, порачувајќи дека Шпанија е подготвена за машка борба против исклучително мотивиран домаќин.