Селекторот на Шпанија, Луис де ла Фуенте, беше исклучително горд на настапот на својата репрезентација во полуфиналето на Светското првенство 2026 против Франција. Шпанците славеа со 2-0 со головите на Микел Ојарзабал и Педро Поро и по вторпат во својата историја се пласираа во финалето на Мундијалот.

„Пред четири години почнавме да работиме со една идеја од која никогаш не отстапивме и која нè доведе дотука. Денес се соочивме со една од најдобрите репрезентации во светот, но нашиот противник играше против најдобрата репрезентација во светот. Тоа е разликата“, изјави задоволниот Де ла Фуенте. Овие фудбалери заслужуваат сè, бидејќи од ден на ден покажуваат пожртвуваност, единство, великодушност и талент. Тие прават тешките работи да изгледаат лесно.

Тешко е да се опишат емоциите. Среќни сме и сакаме да продолжиме да постигнуваме уште подобри резултати. Ни остана уште еден чекор и ќе дадеме сè од себе за да ја оствариме нашата цел. Финалето на Светското првенство е одговорност и привилегија. Мора да бидеме свесни за значењето на она што ни се случува“, истакна Де ла Фуенте.