Ракометарите на Бутел  ги завршија подготовките за гостувањето кај Горица, во рамките на второто коло од ЕХФ Купот. Македонскиот претставник го одработи последниот тренинг во градската сала во Велика Горица, каде што тренерот Стојанче Стоилов со своите избраници ги финализираше подготовките за претстојниот натпревар.

Бутелци ги очекува сериозен предизвик на европската сцена, а целта ќе биде да одиграат квалитетен натпревар и да се обидат да стигнат до поволен резултат на гостински терен. Завршниот тренинг беше посветен на тактичките замисли и подготовката за дуелот со хрватскиот ривал.

Натпреварот меѓу Горица и Бутел Скопје е закажан за утревечер со почеток во 18:00 часот. Правдата на оваа средба ќе ја дели словенечката судиска двојка Сатлер и Пукшиќ. За скопскиот тим ова е нова можност да се претстави во добро светло на меѓународната сцена и да ги покаже своите квалитети во пресметката со хрватскиот состав.