Сагата која траеше со денови конечно доби официјална завршница, Бруно Гимараеш и официјално е нов фудбалер на Арсенал. По долги преговори, лондонскиот клуб успеа да постигне целосен договор со Њукасл и за сума од 87,5 милиони евра го доведе бразилскиот репрезентативец во своите редови.

Гимараеш истакна дека заминувањето од „Сент Џејмс Парк“ било исклучително тешко поради емотивната поврзаност со клубот, но нагласи дека се одлучил за овој чекор бидејќи му е потребен нов кариерен предизвик и борба за највисоки трофеи.

Бразилецот за Њукасл одигра речиси 200 натпревари откако пристигна во јануари 2022 година, а со тимот го освои и Лига купот во 2025 година. Тој е стандарден член на репрезентацијата на Бразил, за која досега забележа 48 настапи, вклучително и пет натпревари на неодамнешниот Мундијал.

Another Premier League powerhouse puts pen to paper 📝 pic.twitter.com/2Xb2Nnj8Ty

— Arsenal (@Arsenal) August 8, 2026