Њујорк Никс ја отворија финалната серија во НБА лигата со триумф на гостински терен кај Сан Антонио со 105:95, но по натпреварот главна тема стана инцидентот покрај теренот. Раководството на лигата веќе покрена официјална истрага откако првата ѕвезда на гостите, Џејлен Брансон, се соочи со вулгарни навреди од домашната публика. Веднаш по последната сирена, камерите го уловија капитенот на Никс како револтирано му објаснува нешто на главниот арбитар Скот Фостер, кој мораше брзо да реагира и да застане помеѓу кошаркарот и трибините за да спречи поголем инцидент.

Според информациите на новинарот Крис Хејнс, Брансон се пожалил на двајца гледачи кои константно го навредувале со непристојни зборови и го прозивале за симулирање. Ваквата реакција на плејмејкерот ги изненади сите бидејќи тој со години важи за еден од најмирните и најсталожените карактери во кошаркарскиот свет. Неговиот соиграч Џош Харт истакна дека навивачите сигурно кажале нешто навистина лудо штом успеале да го извадат од такт неговиот капитен. Самиот Брансон по натпреварот одби да го коментира настанот, сакајќи фокусот да остане на кошарката.