После седум години доминација на Струмица, оваа сезона во Првата лига мажи ќе дојде до промена на тронот. Одбојкарите на Борец и Штип УГД ќе се борат за шампионската титула откако во два натпревари славеа над своите противници во полуфиналната серија од плеј-офот.
Екипата на Борец, ја прекина доминацијата на Струмица, и во двата натпревари славеше со 3:1 во сетови.
Штипјани пласманот во финалето го обезбедија со двете максимални победи над Работнички и најавуваат дека ќе атакуваат на двојна титула.
Финалната серија од плеј-офот, ќе стартува кон средината на април, а ќе се игра до три добиени дуели.
