Повремениот македонски репрезентативец Бојан Димоски е пред финализација на договорот со Вардар. Левиот бек се враќа во таборот на актуелниот шампион за новата сезона. Клубот со ова засилување јасно ги истакнува амбициите за двојна круна и долго европско лето.

Овој 24-годишен фудбалер претходно настапуваше за српскиот тим ТСЦ како позајмен играч. По испаѓањето на клубот во понизок ранг, тој се врати во рускиот Акрон Тољати. Сепак, Димоски пресече и реши да се врати онаму каде што ја почна професионалната кариера. Тој дебитираше за Вардар во 2020 година под водство на тренерот Александар Васоски.

Во меѓувреме, Димоски успеа да стигне и до дресот на националниот тим. Покрај за ТСЦ и Акрон, во својата кариера настапуваше уште и за екипите на Партизан и Брера Струмица. Неговото доаѓање ќе донесе дополнителна сигурност во одбраната на најтрофејниот македонски клуб.