Каталонците славеа со 3-1 на едно од потешките гостувања во Ла Лига, совладувајќи ја Севиља на „Рамон Санчез Писхуан“, а главна фигура на натпреварот беше Рафина со фантастичен хет-трик. Севиља прва стигна до водство во 19. минута. Феликс Кореа испрати одлична топка во шеснаесетникот, а Јусуф Фофана со глава погоди за 1-0.

Радоста на домаќините траеше само три минути. Андреас Кристенсен го проигра Рафина, кој одлично се снајде на работ од шеснаесетникот и со прецизен удар го совлада Влаходимос за 1-1. По паузата Барселона целосно го презеде натпреварот. Во 52. минута Ламин Јамал нафрли во шеснаесетникот, а Рафина со одличен скок и удар со глава донесе целосен пресврт.

Бразилецот го комплетираше хет-трикот во 69. минута. Повторно Јамал беше асистент, а Рафина втрча во казнениот простор и со маестрален лоб го постави конечниот резултат. Со оваа победа Барселона продолжи со совршениот старт во првенството. Тимот на Ханси Флик има седум победи од седум натпревари, со 31 постигнат и само седум примени голови.

Каталонците имаат 21 бод на врвот на табелата, додека Реал Мадрид и Бетис се на 15, но со натпревар помалку. Севиља останува на 13 бодови. Во центарот на вниманието повторно беа Рафина и Ламин Јамал, кои уште еднаш покажаа дека во моментов се меѓу најопасните офанзивни оружја на Барселона.