Позицијата на табелата во Ла Лига доби уште појасна потврда преку официјалната аналитика по првите седум одиграни кола. Статистичките податоци на „Sofascore“ извадија на површина запрепастувачки бројки кои јасно ја осликуваат физичката подготвеност и интензитетот на лутите ривали, Реал Мадрид го има најслабиот просек на претрчана километража во целото првенство, додека Барселона диктира темпо кое за сите останати е чиста научна фантастика.

По градскиот пораз од Атлетико Мадрид, критиките кон играта на тимот предводен од Жозе Мурињо добија и сурова математичка аргументација. Фудбалерите на Реал во просек претрчуваат скромни 83,46 километри по натпревар, што е значително под лигашкиот просек од 93,37 километри. Од друга страна, машинеријата на Ханси Флик не знае за заштеда на енергија и покрива неверојатни 104,64 километри по меч. Ова значи дека каталонскиот гигант на секој дуел претрчува повеќе од 21 километар во споредба со Кралскиот клуб.

Иако самата километража не е единствен мерач за квалитетот на тактчкото поставување и поседот на топката, оваа драстична разлика совршено ги одразува случувањата на табелата. По седум рунди, Барселона е суверен лидер со максимални 21 бод и перфектен учинок, додека Реал Мадрид со пет победи и два порази моментално се наоѓа на четвртата позиција со 15 освоени бодови.