Легендарниот кошаркар Чарлс Баркли упати критики на сметката на Леброн Џејмс по неговиот премин во редовите на Филаделфија. Во гостувањето во емисијата кај Стивен Еј Смит, популарниот „Сер Чарлс“ истакна дека четирикратниот НБА шампион во текот на целата кариера избира да игра исклучиво во екипи кои се исполнети со врвни ѕвезди.

Според Баркли, Џејмс го повторува истиот модел што претходно го практикуваше во Мајами, Кливленд и Лос Анџелес Лејкерс. Тој дополнително се зачуди и од потегот на Бостон Селтикс, критикувајќи ги челниците на овој клуб за одлуката да го трејдуваат Џејлен Браун кај директниот ривал во Филаделфија, каде што веќе настапува и Џоел Ембид.

На крајот, поранешниот адут на Филаделфија во свој препознатлив стил се прошегува дека веста за трансферот му ги расипала приватните планови. Тој откри дека веќе бил тргнат кон теренот за голф, кога морал да се врати назад и да го прилагоди распоредот поради објавата на Џејмс.