Селекторот на Босна и Херцеговина, Сергеј Барбарез, емотивно ја доживеа елиминацијата од Светското првенство 2026, откако неговата репрезентација загуби од САД со 2-0 во шеснаесетфиналето. Иако Американците повеќе од 30 минути играа со фудбалер помалку, „змејовите“ не успеаја да ја искористат предноста, а по натпреварот Барбарез истакна дека неговите избраници заслужуваат пофалби.

„Го контролиравме натпреварот, но направивме грешка што противникот ја казни. Овие момци дадоа сè од себе и сум горд на нив. Им благодарам и на сите навивачи за огромната поддршка, ги сакам овие луѓе“, изјави Барбарез.

И покрај елиминацијата, Босна и Херцеговина го одигра едно од своите најуспешни светски првенства, освојувајќи четири бода и за првпат обезбедувајќи пласман во нокаут-фазата.