Хари Кејн смета дека Баерн Минхен има доволно квалитет за да стигне до самиот крај во Лигата на шампионите и конечно да го освои европскиот трофеј. Англискиот напаѓач верува дека баварскиот гигант е многу блиску до посакуваниот успех, особено по искуството од минатата сезона. Баерн тогаш стигна до полуфиналето, но беше елиминиран од Пари Сен Жермен со вкупен резултат 5:6, а францускиот состав подоцна повторно се искачи на европскиот трон.

„Мислам дека сме многу блиску. Минатата сезона одлучуваа детали. Загубивме од тим кој две години по ред ја освои Лигата на шампионите и тоа не е нешто од кое треба да се срамиме. Сега влегуваме во сезоната со јасна цел трофејот да биде наш. Ќе најдеме начин да успееме“, порача Кејн.

Баерн во новата сезона веќе го освои германскиот Суперкуп, додека во Бундеслигата има четири бода по првите две кола. Сега следува нов предизвик на европската сцена и почетокот на битката за трофејот кој му недостига на Кејн со минхенскиот клуб. Првиот европски натпревар сезонава баварскиот гигант ќе го одигра во четврток, кога на домашен терен ќе го пречека норвешки Бодо/Глимт во воведниот меч од лигашката фаза на Лигата на шампионите.

Кејн и соиграчите сега имаат можност уште еднаш да покажат дека Баерн е подготвен за највисоките дострели во Европа.