Баерн Минхен планира уште долго да го задржи Хари Кејн во своите редови. Англискиот напаѓач потврди дека наскоро започнуваат преговорите за нов договор со германскиот гигант. Искусниот голгетер не ја крие среќата во Минхен, а клубот веќе ја подготвува новата соработка.

Актуелниот договор на Кејн со Баерн има важност до 30 јуни 2027 година. Според германските медиуми, тој во моментов заработува околу 25 милиони евра бруто годишно. Управата на клубот не сака ништо да препушти на случајноста. Поради тоа, преговорите за продолжување ќе започнат во текот на оваа или следната недела. Кејн потврди дека договорот бил да се седне на маса по Светското првенство. Двете страни влегуваат во разговорите со исклучителна мирнотија и без никаков притисок.

Силна поддршка за останување на напаѓачот пристигна и од самиот врв на клубот. Почесниот претседател Ули Хенес истакна дека не гледа причина за заминување на Англичанецот идната година. Тој додаде дека сите во Баерн се пресреќни од неговиот професионализам и остварени резултати.

Од пристигнувањето од Тотенхем во август 2023 година, Кејн стана главен столб на тимот. Неговите бројки во баварскиот дрес се навистина импресивни. На 147 одиграни натпревари за Баерн, одличниот напаѓач постигна 146 голови и 33 асистенции.