По освојувањето на Лига Европа и враќањето во Лигата на шампионите, Астон Вила тргна во сериозна реконструкција на тимот и го официјализираше трансферот на Жоао Гомес од Вулверхемптон. Клубот од Бирмингем за 25-годишниот бразилски играч за врска ќе плати 40 милиони евра фиксно, плус уште 5 милиони евра преку бонуси. Со ова Астон Вила практично ги пренасочи сите средства од продажбата на Јури Тилеманс во Манчестер Јунајтед за новата засилување во средниот ред.

Гомес во изминатите три години одигра 130 натпревари за Вулверхемптон, но по испаѓањето на тимот во Чемпионшип, неговото заминување беше неизбежно. Во борбата за неговиот потпис Вила успеа да ги победи Кристал Палас, Галатасарај, Манчестер Јунајтед и Атлетико Мадрид. За Астон Вила ова е уште еден голем потег на пазарот, откако претходно го соборија клупскиот рекорд со купувањето на Јохан Манзамби од Фрајбург за 60 милиони евра.

Работата на трансфер пазарот за клубот тука не завршува, бидејќи се очекува заминувањето на Морган Роџерс во Челси за рекордни 137 милиони евра. Дополнителен проблем за менаџментот е и тешката повреда на коленото на Амаду Онана заработена на Светското првенство, поради која тој ќе паузира до крајот на календарската година, што значи дека Астон Вила ќе мора да доведе уште засилувања до крајот на преодниот рок.