Дефанзивецот Антонио Ридигер реши и официјално да стави крај на својата репрезентативна кариера, повлекувајќи се од националниот тим на Германија по 86 одиграни натпревари.

Искусниот дефанзивец ја образложи својата одлука истакнувајќи дека е вистински момент просторот да им се препушти на помладите фудбалери, додека тој во иднина целосно ќе се фокусира на своите обврски во клупскиот фудбал.

„По долго размислување, сфатив дека дојде време да ја завршам репрезентативната кариера и да им го препуштам местото на помладите. Кога во 2014 година првпат го облеков овој дрес, ниту во најлудите соништа не замислував дека ќе запишам 86 настапи. За мене сега започнува ново поглавје и целосно му се посветувам на клупскиот фудбал. Ви благодарам на сите што бевте дел од ова патување“, порача Ридигер.

Ридигер дебитираше за германскиот национален тим во 2014 година и со години беше еден од клучните столбови во дефанзивната линија. Тој се најде и на списокот на селекторот Јулијан Нагелсман за овогодишното Светско првенство, но во последен момент мораше да го откаже настапот поради повреда.