Возбудливата трка за Големата награда на Канада донесе вистински спектакл и неочекувани пресврти на патеката „Жил Вилнев“. Младиот возач на Мерцедес, Кими Антонели, стигна до својот четврти последователен триумф во шампионатот. Оваа победа му овозможи на италијанскиот возач дополнително да ја зголеми предноста во генералниот пласман.
Самиот почеток на викендот во Монтреал навестуваше голема драма поради техничките проблеми кај дел од возачите. Линдблад доживеа дефект на својот мотор, па стартот беше одложен за десет минути. По гаснењето на семафорите, Ландо Норис и Кими Антонели веднаш го претекнаа сопственикот на пол-позицијата, Џорџ Расел. Сепак, актуелниот шампион Норис направи огромна тактичка грешка со изборот на гуми уште во третиот круг. Тој мораше предвреме во боксот и веднаш падна на четиринаесеттото место.
Џорџ Расел брзо се рехабилитираше и ја презеде водечката позиција во деветтиот круг од трката. Болидите на Мерцедес делуваа недопирливо на патеката и постојано ја зголемуваа предноста пред конкурентите. Вистински шок се случи во триесеттиот круг кога на лидерот Расел целосно му откажа моторот. Британецот беше принуден бесно да го заврши својот настап во Канада. Само десет круга подоцна, агонијата заврши и за Норис кој исто така се повлече од патеката.
По предвременото откажување на Расел, Антонели мирно ја контролираше трката со сигурна предност. Зад неговиот грб се водеше епска битка меѓу Макс Верстапен и Луис Хамилтон. Седумкратниот светски шампион изврши страшен притисок и го претекна Верстапен во шеесет и вториот круг. Тоа е најдобар пласман за Хамилтон од неговото пристигнување во тимот на Ферари.
Антонели на крајот славеше пред Хамилтон и Верстапен, додека Шарл Леклер и Исак Хаџар ги пополнија првите пет позиции. Во генералниот поредок Антонели сега води со 131 бод, пред Расел со 88 и Леклер со 75 бодови.
Record. Breaker. 😎
Kimi Antonelli is the first driver ever to take his first four Grand Prix wins consecutively 👏#F1 #CanadianGP pic.twitter.com/rpALnQj3qo
— Formula 1 (@F1) May 25, 2026