Младиот возач на Мерцедес, Кими Антонели, експресно ги одби обидите за психолошко надмудрување од страна на неговиот клупски колега Џорџ Расел. Откако Расел пред трката во Монако изјави дека италијанскиот тинејџер е во огромна предност и е главен фаворит за титулата, јавноста ова го протолкува како класичен обид за наметнување притисок во нивната меѓусебна битка. Антонели ладнокрвно одговори дека ова не е првпат да се соочува со вакви тактики за префрлање на топката во туѓ двор и додаде дека е премногу рано да се зборува за конечен триумф кога пред нив има уште многу трки.

Најдобриот демант на провокациите пристигна директно на патеката каде што Антонели доминираше и победи, додека Расел поради казни заврши дури на 12-то место, со што бодовната разлика меѓу возачите на Мерцедес порасна на 68 бода. И покрај ваквиот убав капитал на табелата, италијанското „чудо од дете“ порачува дека сè уште себеси се гледа како аутсајдер кој вози без никаков товар бидејќи допрва треба да освојува големи нешта во кариерата. Антонели потенцираше дека неговиот развоен максимум во Формула 1 сè уште не е достигнат, а токму тој огромен простор за напредок во неговата втора сезона во елитата е причината поради која Расел го гледа како исклучително опасен ривал.