Андреа Кими Антонели се врати во препознатливата форма и испрати јасна порака до конкуренцијата пред трката за Големата награда на Австрија. Актуелниот лидер во генералниот пласман во Формула 1 ја покажа моќта на својот Мерцедес уште на првиот ден од слободните тренинзи на култната патека „Ред Бул Ринг“.
Иако во првиот дел од тренингот болидите на Мекларен диктираа силно темпо, Антонели експлодираше штом ги загреа пневматиците на оптимална температура. Младиот Италијанец со фантастично возење го постави најдоброто време на денот (1:07,014), оставајќи ги зад себе Оскар Пјастри (+0,237) и Ландо Норис (+0,325).
Into the soft tyre runs in FP2, and it’s Antonelli at the top with Piastri close behind! 🤯👀
1. Antonelli ⏱️ 1:07.209
2. Piastri ⏱️ +0.042s
3. Norris ⏱️ +0.130s
4. Hamilton ⏱️ +0.402s
5. Russell ⏱️ +0.530s#F1 #AustrianGP pic.twitter.com/UJ4l63Ljq4— Formula 1 (@F1) June 26, 2026
Домашниот адут Макс Ферстапен мораше да се задоволи со четвртата позиција, додека победникот од претходната трка во Каталуња, Луис Хамилтон, викендот го отвори со петто време. Во топ 9 на првиот тренинг се најдоа уште и Џорџ Расел, Исак Хаџар, Лиам Лосон и Габриел Бортолето.
Возбудувањата во Шпилберг продолжуваат в сабота со вториот тренинг (12:30 ч.) и официјалните квалификации кои се возат од 16:00 часот, додека големата битка за бодови е закажана за в недела во 15:00 часот.