Искусниот шпански напаѓач Алваро Мората направи изненадувачки чекор во завршницата од кариерата, откако и официјално се пресели во редовите на шпанскиот второлигаш Леганес. Триесет и четиригодишниот фудбалер пристигнува во Сегунда дивизијата како позајмен играч од редовите на италијански Комо, а клубот од предградието на Мадрид, кој изминатата сезона заврши на 16-тото место на табелата, има и опција за целосен откуп на неговиот договор.

Мората зад себе има кариера исполнета со трофеи во која настапуваше за европските гиганти Реал Мадрид, Јувентус, Челзи и Атлетико Мадрид, освојувајќи ја Лигата на шампионите во два наврати. Негов најголем репрезентативен успех беше освојувањето на Европското првенство во 2024 година со селекцијата на Шпанија, но во задоцнетите фудбалски години одлучи за поинаков предизвик во второто по ранг натпреварување во својата татковина.