Хулијан Алварез се врати на тренинзите на Атлетико Мадрид и покрај неговата јавна желба за премин во Барселона по настапот за Аргентина на Мундијалот. Раководството на шпанскиот клуб одби да ги прифати неговите барања за трансфер, а клубот веќе објави фотографии од неговиот тренинг со Маркос Љоренте и Алекс Баена. Шпанските медиуми откриваат дека пораката од управата до 26-годишниот голгетер била краткa и јасна — да му се извини на тимот и веднаш да се стави во функција на екипата.

Иако социјалните мрежи се преплавени со шеги и фотомонтажи од Аргентинецот во затворска униформа, тој има цврст договор со Атлетико дури до летото 2030 година, што дополнително му ги врза рацете за предвремено заминување. Алварез минатата сезона постигна 20 голови во сите натпреварувања, од кои десет во Лигата на шампионите, па и покрај моментално затегнатите односи со раководството, тој останува еден од клучните адути на тимот за претстојната сезона.

Marcos Llorente, Álex Baena, Julián Alvarez y Juan Musso regresan a los entrenamientos. En los próximos días realizarán un plan específico de trabajo antes de unirse con el grupo.

ℹ️ https://t.co/hV7gbWQom8 pic.twitter.com/P932FFBoJC

— Atlético de Madrid (@Atleti) August 10, 2026