Фернандо Алонсо и Астон Мартин преговараат за продолжување на соработката и по сезоната 2026, а според последните информации, двократниот светски шампион поставил високи услови за нов договор. Францускиот новинар Марк Лимахер објави дека Шпанецот побарал 40 милиони долари по сезона за продолжување на договорот до крајот на 2028 година. Во моментов, Алонсо наводно заработува околу 30 милиони долари годишно, а во тимот пристигна во 2023 година со плата од околу 20 милиони.

Сепак, парите не се единствениот фактор за одлуката на искусниот возач. За Алонсо најважно е Астон Мартин да му обезбеди конкурентен болид и проект со кој повторно ќе може да се бори за највисоки позиции. Големи надежи се поврзуваат со доаѓањето на легендарниот инженер Ејдријан Њуи, кој верува дека Алонсо ќе остане во тимот. Шпанецот исто така изрази голема доверба дека Њуи може да создаде болид способен за шампионски резултати.

Се очекува иднината на Алонсо во Астон Мартин да биде позната во следниот период, а официјалната потврда се шпекулира дека би можела да пристигне во септември.