Саудиски Ал Итихад напорно работи на ангажман на прославениот германски стратег Јирген Клоп. Бидејќи Клоп во моментов не сака да се врати на стресната тренерска работа, клубот има нов план. На Клоп му се нуди функцијата технички директор со апсолутна контрола врз целиот спортски сектор. Тоа вклучува водење на трансферите, скаутингот и долгорочната стратегија на клубот.

Фудбалскиот новинар Саша Таволиери открива дека поранешниот тренер на Ливерпул не е имун на оваа богата понуда. Сепак, искусниот Германец поставил еден јасен и цврст услов до арапските моќници. Тој би пристигнал во Џеда дури по официјалниот почеток на новата првенствена сезона во Саудиска Арабија.

Според планот, тоа би се случило набрзо по завршувањето на неговите обврски кон компанијата „Ред Бул“. На тој начин Клоп сака да остане максимално коректен кон сегашниот работодавач, но и да добие одмор. Раководството на Ал Итихад покажува огромно стрпливост и е подготвено да ги прифати сите негови специфични барања.