Саудискиот гигант Ал Хилал постигна целосен договор со Вест Хем за трансферот на холандското крило Крисенсио Самервил. Клубот од Ријад ќе плати дури 68,3 милиони фунти за 24-годишниот репрезентативец, кој веќе доби дозвола да отпатува на задолжителните лекарски прегледи.

Иако Астон Вила и Рома подолго време преговараа за неговиот потпис, тренерот Симоне Инзаги реагираше побрзо од сите. Самервил ќе стави потпис на долгорочен договор и ќе му се приклучи на Сергеј Милинковиќ-Савиќ, кој неодамна ја продолжи соработката со Ал Хилал.

За Вест Хем ова е нов огромен финансиски прилив по мајското испаѓање од Премиер лигата. Лондонскиот клуб претходно го продаде Матеус Фернандеш во Тотенхем за 85 милиони фунти, па со оваа втора голема продажба речиси ги исполни сите барања за финансискиот фер-плеј.

Сепак, раководството на „чеканите“ нема целосно да го распродаде тимот. Главната ѕвезда Џарод Боуен останува во клубот со ревидиран договор, а тренерот Нуно Еспирито Санто ја доби довербата да го води тимот во Чемпионшип со една цел, брзо враќање во елитата.