Кошаркарот на Мајами Хит, Бем Адебајо, не го криеше своето одушевување по спектакуларниот трејд во кој двократниот МВП Јанис Адетокумбо стана нов член на тимот од Флорида. Поранешниот лидер на Милвоки Бакс одлучи да ја промени средината, откако неговиот досегашен клуб не успеа да му обезбеди доволно конкурентен состав за високи дострели.

За да го доведе 31-годишниот Грк, Мајами мораше да испрати богата пакет понуда во која влегоа Тајлер Хиро, Келел Вер, Хаиме Жакез, Каспарас Јакучионис и неколку идни пикови од драфтот. Со ова и официјално завршува златната ера на Јанис во Милвоки, каде што во 2021 година ја освои шампионската титула и ги освои своите најголеми признанија.

Адебајо истакна дека претседателот Пет Рајли подолго време подготвувал терен за доаѓање на ваква мега-ѕвезда во клубот. Тој веднаш го посочи Јанис како свој омилен иден соиграч, најавувајќи комплетен напад на шампионскиот прстен во претстојната сезона.