Силекс прикажа моќно издание на гостувањето во Кавадарци и заслужено стигна до убедлива победа од 0-3 против Тиквеш. Уште од стартот кратовци ја презедоа иницијативата, создаваа шанси и преку Пиреш по прекин го отворија резултатот, а до крајот на првиот дел Алиќ ја зголеми предноста.
Домашниот состав се обиде да се врати во игра, но не успеа да најде решение против сигурната одбрана и расположениот голман на гостите. Во продолжението Силекс рутински ја контролираше играта, а во самиот финиш Велиновски стави точка на триумфот со трет погодок.
Во меѓувреме, во Куманово, Башкими и Брера одиграа израмнет натпревар без голови и мораа да се задоволат со поделба на бодовите.
